O alcalde, Fernando Suárez, lembraba hoxe que “xa hai semanas en continuo diálogo co Servizo Provincial de Costas procedéuse á retirada de pedras que se foron acumulando nos últimos meses ata o límite que os responsables de vixianza e de Medio Ambiente tanto da comunidade autónoma como do ministerio permitiron e cumprindo estrictamente coas instruccións que daban os técnicos de Medio Ambiente”.
O rexedor recoñece que “estes días houbo algún desprendemento dalgunha rocha, dalgún penedo aillado o que fai que nos preocupe esta situación polo que tamén e en estreito contacto con Costas ao longo do día de hoxe imos proceder ao valado dunha parte desta praia. Xa nos vindeiros días acometerase unha solución definitiva que todo apunta a que vai ser a colocación dunha malla metálica para poder estabilizar este talude, porque os desprendementos, mal que nos pese, é un proceso de degradación de todo o litoral e é imposible impedir que eso se produza”.
Suárez Barcia engade que “solucións máis drásticas coma o peche da propia praia non se plantexan, senón que se pensa que o mellor vai ser establecer un valado nun lateral que é o máis perigoso deste areal”.