O próximo venres, 14 de marzo, ás 10:00 horas na confraría de Rinlo, comezará a última xornada do curso de Turismo Mariñeiro que se está a desenvolver no marco do proxecto Ribadeo, catedral do mar. Trátase da visita que en principio ía realizarse o pasado 30 de xaneiro, pero que tivo que pospoñerse debido aos sucesivos temporais.
As percebeiras de Rinlo asistiron ao curso e deseñaron a Ruta do Percebe. A experiencia piloto estará dirixida a tódolos membros da rede que participaron no proxecto.

A iniciativa é un importante atractivo para Ribadeo como destino, achegando aos hostaleiros e empresarios turísticos un coñecemento do patrimonio turístico de Ribadeo, que logo lle poderán transmitir aos seus clientes e visitantes.