O concelleiro de Deportes sinalou que “o pasado 16 de outubro quedou aberto o prazo para solicitar subvencións das Delegacións de Deportes, Cultura e Servizos Sociais. As solicitudes hai que presentalas no rexistro do Concello antes do vindeiro 5 de novembro, na secretaría e nas dependendencias deses tres departamentos están a disposición dos interesados os modelos a cumplimentar con toda a documentación a presentar así como na páxina web do Concello”. As bases da convocatoria foron publicadas o pasado sábado no Boletín Oficial da Provincia de Lugo.
Castro lembra que “poderán beneficiarse desas subvencións, asociacións, colectivos e clubes de Ribadeo e insisto en que o prazo de presentación de toda a documentación remata o vindeiro 5 de novembro”.