Templo de planta rectangular con portada en arco de medio punto, muros de cantería, espadana dun corpo e oco de campá rematada en pináculo. O pavimento é de lastras.

Lugar

Parroquia: Vilaframil (San Lourenzo)

Edificio de planta rectangular con muros de cantaría, cuberta a dúas augas e porta de acceso con lintel. A espadana ten un só corpo e un van en arco de medio punto rematado en triángulo e pináculos.

Lugar

Parroquia: Vilaframil (San Lourenzo)

Edificio de planta rectangular con muros revestidos en morteiro e cuberta a dúas augas. As portas e as ventás teñen un lintel e a espadana, de frontón con remate triangular, presenta un oco en arco de medio punto para a campá.

Lugar

Parroquia: Vilaframil (San Lourenzo)

Casa indiana de estilo arquitectónico autóctono con trazos coloniais.

Observacións

O seu promotor foi Pedro Murias.

Lugar

Parroquia: Vilaframil (San Lourenzo)

Edificio de dous andares con muros de cachotaría que teñen revestimento de morteiro e cuberta a dúas augas de lousas. A cornixa é de pedra con molduras. Presenta porta de acceso con lintel e ventás con batente en catro corpos na planta alta. Ten arrimada unha pequena edificación con cuberta a unha auga.

Lugar

Parroquia: Vilaframil (San Lourenzo)

Sinxela construción de carácter comunal que pertence ao grupo das fontes de caño. Consta dunha lousa de pedra labrada cun cano que conduce a auga procedente da boca da mina cara ao exterior. Esta, cae nunha pía formada por outra lousa de pedra labrada.

Observacións

Está situada nunha beira do rego de Xulián.

Lugar

Parroquia: Vilaframil (San Lourenzo)

A fundación desta escola agrícola estípulase nunha das mandas testamentarias de Pedro Murias, así pois, dispuxo un captital total de 154.818,18 pesos de ouro para a creación da escola agrícola, aínda que convén sinalar que este non será o capital inicial co que conte as arcas da fundación da mesma.

Trátase dun centro pioneiro na zona mariñá de Lugo, específicamente planificado e entendido como xerador da apertura do campesiñado ás novas realidades agrícolas a base do ensino e da experiencia directa.

A realización dos desexos que este indiano plasmara no seu testamento viuse demorada no tempo debido a múltiples atrancos.

O primeiro paso da andaina foi a consecución duns terreos adecuados para levantar a edificación , que finalmente ubicaronse na actual parroquia de Vilaframil e ocupaban un total de 14 ha 31 a 37 ca . Para conformar este predio foi necesaria a unión das 65 parcelas que foron mercadas en dúas fases.

A dirección da escola agrícola recaeu no agrónomo ribadense Enrique Sárez Couto, a quén lle correspondeu acometer o inicio das obras dos edificios que conformarán a escola agrícola. O primeiro en ser levantado será o inmoble principal, que estará rematada en 1920 , ano no que comeza a funcionar o centro.

Trátase dun edificio de grandes proporcións formado por un corpo central de dous pisos, faiado e dúas alas a cadanseu lado. Este edificio será o destinado a albergar a escola agrícola, actualmente en funcionamento.

Lugar

Parroquia: Vilaframil (San Lourenzo)

Templo de 1896 con planta rectangular e cuberta a dúas augas. Na portada ten porta con lintel curvo e, sobre esta, un van para a iluminación interior. A espadana é dun só corpo, rematado en frontón triangular e cruz latina, e presenta dous ocos en arco de medio punto para as campás.

Lugar

Parroquia: Vilaframil (San Lourenzo)