O mercado ven cargado de actividades para todo o público, para as familias e para os nenos e nenas. Haberá espectáculos de maxia, malabares con lume, baile da danza do ventre pirata, contacontos e outro tipo de actos que se desenvolverán durante todo o día, como xogos didácticos, xogos de pesca, etc.

No II Mercado Mariñeiro haberá 40 postos de produtos de artesanía: coiro, aromas e aceites, queixos, doces, pratería, madeira, xoguetes, xabróns, títeres, etc… O horario de visita será de 11:30 a 15:00 horas polas mañás e de 18:00 a 23:00 horas polas tardes-noites.