As Concellarías de Saúde e Servizos Sociais, Cultura, Educación e Igualdade e Mocidade e Sociedade da Información organizan uns foros de debate para as familias baixo o lema Medramos falando. O primeiro terá lugar o vindeiro 3 de abril a partires das 19 horas na aula de informática do IES de Ribadeo.

O asunto que se abordará no primeiro foro será Menores mobilizados. Usos e riscos da internet móbil. Os encargados de impartir a charla serán: Jorge Castro Ruso, autor do blogue Menores en rede; e Carolina García Chico, coordinadora da Área Psicopedagóxica de MauMarela, educadora e pedagoga especialista en intervención familiar e desenvolvemento infanto-xuvenil.