Rinlo rendeu hoxe homenaxe a todos os falecidos no mar co descubrimento dunha praca no paseo marítimo. Na memoria de todos estivo presente Antonia González Postigo, que perdeu a vida en decembro cando faenaba na zona. O acto foi impulsado pola agrupación de mariscadoras e percebeiras da cofraría de pescadores de Ribadeo e polo Concello e contou coa presenza, entre outros, do alcalde, Fernando Suárez, ademáis de veciños e familiares dos que perderon a súa vida neste duro traballo.