A novena edición dos Foros Permanentes para as Mulleres do Concello de Ribadeo volven estes días co descanso termal previsto para o domingo. Os Foros están organizados pola Concellería de Igualdade e polo Centro de Información ás Mulleres (CIM), “e con este descansos búscase promover a saúde integral das mulleres e fomentar espazos de ocio para elas”.

Polo momento, van 40 mulleres inscritas nesta actividade, que terá lugar o 8 de novembro no spa da Casa da Auga de A Coruña, cun custe de 20 euros por usuaria. O total de prazas é de 55, polo que quedan 15 aínda dispoñibles para as interesadas, que deben anotarse nas oficinas do CIM ou chamando ao número 982 120 739.