“Comeza a tempada escolar e con ela os bonos de autobús dirixidos a bonificar os desprazamentos do alumnado de Ribadeo que estuda en Foz, Burela, Lugo, Coruña e Santiago. Os bonos poderán solicitarse ata o martes de cada semana na Oficina de Xuventude de Ribadeo e recolleranse cada xoves, agás esta primeira semana, que será o venres 9, xa que o xoves 8 de setembro é festivo local. Os bonos son de 10, 20, 30 ou 60 viaxes e tamén hai o bono diario para un mes (44 viaxes)”, explican dende a Concellaría de Xuventude.
Este departamento do Concello de Ribadeo engade que “aquelas persoas que soliciten estes bonos por vez primeira deberán acompañar a solicitude con fotocopia da matricula nos estudos correspondentes ou do carné de estudante; unha foto de DNI, que tamén poden enviar en formato dixital a deportes@ribadeo.org; e o pago das taxas. As persoas que xa tiveran solicitado esta axuda anteriormente deberán traer as tarxetas para poder cargar as viaxes”.