Segundo explica a concelleira Teresa González Piñeiroa “o venres rematou o prazo para solicitar o material que as familias nos demandaron a través deste programa. Todas as que acudiron a nós para facerse cos libros que @s seus fill@s precisan para o vindeiro curso xa os teñen”. A edil de Servizos Sociais dixo que “sobráronnos libros, temos excedentes de 3º e 5º do colexio Sagrado Corazón e de 4º e 6º do Gregorio Sanz, co que si algunha persoa non ten este material que se achegue ata nós e que nolo comunique”.
González Piñeiroa agradeceu “a colaboración dos colexios con este programa que puxemos en marcha desde o Concello, e tamén a axuda das familias polo interese que tiveron, xa que ademais de doar os libros interesáronse por saber como foi a campaña. Estamos notando que a xente se está a organizar tamén entre si, para que ninguén quede sen libros de cara ao vindeiro curso. Estamos moi satisfeitos co funcionamento do banco do libros de texto”.