O Concello de Ribadeo convoca 4 prazas de auxiliares de axuda no fogar a domicilio. O contrato será por obra ou servizo determinado ata o 31 de decembro de 2009. Entre os requisitos para acceder a eses postos de traballo figura estar en posesión do certificado de estudios primarios ou de escolaridade e o permiso de conducir da clase B. Valoraránse os servizos prestados no Concello de Ribadeo,noutras administracións públicas ou en empresas privadas no concello ou fora deste termo municipal en postos de traballo de contido análogo ou categoría semellante; o coñecemento do idioma galego e a antigüidade no paro. Os interesados poden presentar toda a documentación no rexistro xeral de entrada do Concello de Ribadeo ata as 14 horas do vindeiro 23 de marzo. As probas de selección será o 25 de marzo ás 17:00 horas na Casa do Concello.
