Concello de Ribadeo

O Parque de San Francisco acollerá o vindeiro sábado, 26 de agosto, unha nova edición do guateque dos 60. Marta Saiz anima a asistir "para lembrar todos xuntos aqueles marabillosos anos".

Mañá celebrarase pleno extraordinario no Concello de Ribadeo. Na sesión será aprobada unha modificación orzamentaria así coma os festivos locais para 2024, que serán o Martes de Entroido e o día de San Roque. Ademais serán nomeados os representantes municipais na asociación Terras de Miranda e no Galp A Mariña-Ortegal.

Ribadeo será escenario da primeira edición do Xara Fest, o festival de música underground, o 2 de setembro.

O Río Breogán iniciará na vila ribadense a súa pretempada o vindeiro 30 de agosto. Será co Trofeo Concello de Ribadeo - Festas Patronais 2023, no que se medirá ao FC Porto. As entradas para asistir a este partido están á venda desde hoxe no pub Ribanzo e en Multitienda Teresa. Na presentación do Trofeo, que tivo lugar no Parador de Turismo de Ribadeo, participaron o alcalde, Dani Vega, o director xeral do Breogán, Tito Díaz, o presidente da comisión de festas, Juan Luis López, e o concelleiro de Deportes, Francisco José Silvent.

O Concello de Ribadeo adopta medidas urxentes por mor da seca. O alcalde, Dani Vega, ven de asinar un novo Bando no que insta ás empresas e industrias a facer un uso razoable da auga e no que se prohibe encher as piscinas, regar, baldear ou limpar vehículos e fachadas.

Esta tarde quedou controlado o incendio declarado a mediodía na parroquia ribadense de Vilaselán.