Novas
Éxito dos Froitos do Mar, actividade que reuniu a 40 persoas este sábado en Rinlo
16/09/2023Éxito dos Froitos do Mar, actividade organizada polo Concello de Ribadeo, que reuniu a 40 persoas este sábado en Rinlo. Houbo visita guiada, degustación gastronómica e música.
Os asistentes visitaron desde as once e media da mañá as cetarias, da man de Ana Pena Rouco, guía oficial de Galicia e xerente de Guía tu Día e Vitoria Amor Fernández, mariscadora de profesión e alma de Rinlo.
Xa na praza de San Pedro ás 13 horas tivo lugar unha mostra degustación de Froitos do Mar con produtos típicos desta vila mariñeira como lagosta, centola, nécora e percebe, a cargo de Antonio Botana, membro do Grupo Nove e chef do Ramonita Ribadeo.
A xornada concluíu cun concerto de Abril na mesma praza de San Pedro, de Rinlo.
Desde o Concello de Ribadeo fan unha valoración moi positiva da acollida que tivo esta proposta “xa que as 40 prazas ofertadas esgotáronse en tres días”. Trátase dunha actividade ideada para desestacionalizar o turismo e aproveitar os últimos días do verán e o inicio do outono en Ribadeo, xa que para o 23 e 24 de setembro están organizados os Baños de Mar.
+ Novas
- O alcalde de Ribadeo fai unha valoración moi positiva do encontro mantido co vicepresidente da Deputación no que buscaron unha solución para o hangar de piragüismo
- Día Mundial do Alzheimer
- Os días 23 e 24 de setembro terá lugar a primeira edición de Baños de Mar, que organiza o Concello de Ribadeo
- O alcalde, Dani Vega, asistiu no Ceip Gregorio Sanz a unha actividade desenvolvida polo Club de Buceo Illa Pancha.
- Primeira visita cursada a Ribadeo polo conselleiro do Mar, Alfonso Villares
