Novas
A INSCRICIÓN ESTÁ ABERTA
Obradoiros tecnolóxicos
04/08/2022O Concello de Ribadeo organiza uns obradoiros tecnolóxicos baixo o título Steam, derrubando estereotipos. Impartiranse na Aula CeMIT de 10:30 a 13:30 horas. Serán os días 23 e 24 de agosto para a rapazada de 8 a 11 anos.
Neles aprenderán a programar de xeito moi sinxelo e creativo. Verán conceptos sobre intelixencia artificial, robótica e deseñarán tamén circuítos en papel, todo baixo unha metodoloxía activa e un aprendizaxe práctico con profesionais do sector.
Desde o Concello apuntan que "é unha boa maneira de introducir á rapazada, desde moi cativos, na outra cara da tecnoloxía".
A inscrición é gratuíta para todos e todas e as prazas son limitadas. O prazo de inscricións atópase aberto e pódense apuntar no teléfono 982120732 ou no correo electrónico da Aula CeMIT de Ribadeo.
+ Novas
- Ribadeo é un dos primeiros Concellos en aprobar os orzamentos para 2024. Ascende a 12,3 millóns de euros
- Visita dos alumnos do Colexio Sagrado Corazón de Xesús ao Concello de Ribadeo
- I Marcha interxeracional "San Silvestre" máis metros máis posibilidades (Metros Interxeneracionais pola Accesibilidade e a Inclusión).
- A pista de xeo e RibaXogo abriron as súas portas esta tarde
- Hoxe foron entregadas as primeiras cestiñas dos arrolos a catro familias ribadenses.
