Novas
OS TEMPOS DE ATENCIÓN, NOS PARÁMETROS HABITUAIS
Simulacros nas praias
03/08/2015As praias de Os Castros e As Catedrais foron escenario a primeira hora desta tarde de dous simulacros de salvamento. Ata os areais se desprazou a concelleira de Sostibilidade Ambiental e Merio Mariño, Paz Ermida, co fin de seguir de preto o desenvolvemento dos dispositivos postos en marcha.
A edil nacionalista explicou que "finalmente programamos dous supostos de afogamento, de dúas persoas que se atopaban en perigo nos dous areais. Nun caso, no dos Castros, só interviñeron os socorristas desta praia e das Illas. A súa rápida intervención foi determinante. E na praia das Catedrais contamos coa participación do servizo de socorrismo de Augas Santas e do técnico sanitario que traballa nesa praia".
Ermida subliñou que "os tempos de atención nos dous casos atópanse dentro dos parámetros habituais". E agradeceu o traballo realizado polos socorristas e polo técnico sanitario.
Nos simulacros participaron os dous coordinadores do servizo de socorrismo de Ribadeo e tamén a técnica de Medio Ambiente.
+ Novas
- Ribadeo é un dos primeiros Concellos en aprobar os orzamentos para 2024. Ascende a 12,3 millóns de euros
- Visita dos alumnos do Colexio Sagrado Corazón de Xesús ao Concello de Ribadeo
- I Marcha interxeracional "San Silvestre" máis metros máis posibilidades (Metros Interxeneracionais pola Accesibilidade e a Inclusión).
- A pista de xeo e RibaXogo abriron as súas portas esta tarde
- Hoxe foron entregadas as primeiras cestiñas dos arrolos a catro familias ribadenses.
