Durante a xornada matutina recibirán clases de distintos profesionais tanto do ámbito clásico como do moderno; e mesmo a profesora de danza e ballet da EMMeD, María Justo, impartirá clases de danza moderna ao alumnado doutros centros. Xa pola tarde, ás 19.30 horas no Auditorio Gustavo Freire, o grupo de danza da Escola Municipal de Música e Danza subirá ás táboas xunto cos demais centros convidados, no que será o peche desta xornada de confraternidade.