O rexedor ribadense engade que “este proxecto busca dous obxectivos fundamentais: o etnográfico e o turístico. O etnográfico centrado en aspectos como a recuperación de muros, de edificacións de interés… a creación de acuarios para a divulgación e intepretación de animais e prantas mariñas. Hai que ter en conta que a recuperación ambiental de toda esta zona suporá que se actúe sobre unha superficie aproximada de 90.000 metros cadrados. O vial costeiro que une as tres cetáreas váise converter nun vial peonil e de paseo e un anterior paralelo froito da concentración parcelaria será obxecto dunha actuación con aglomerado asfáltico. Ademáis vánse prever aparcamentos en cantidade suficiente para poder albergar todo o turismo que chegará á zona”. Fernando Suárez di que “chegará turismo educativo procedente de colexios e institutos que poderán vir ver esta riqueza etnográfica que tivemos esquecida e virá tamén o turismo familiar que poderá practicar un recurso que se está a poñer moi de moda que a pesca sen morte, é dicir, a pesca nunhas condicións de tranquilidade que permitan aos nenos sen perigo poder pescar peixe e despois botalo de novo á auga nas cetáreas”.
Suárez Barcia di que “agora con esta exposición pública os veciños ou quen o queira ver poderá estudiar o proxecto e alegar. Pero entendemos que este proxecto vai ser fundamental para unha recuperación económica de Rinlo desde o punto de vista do turismo e desde logo creo que si esto se consolida ben haberá varias referencias, a Casa dos Peixes na Coruña, pero tamén será de renome a ruta das cetáreas de Ribadeo. Suliño que nunha delas, na terceira onde había unhas naves de hai 40 anos vánse facer uns acuarios onde se poidan poñer prantas mariñas e diferentes especies de crustáceos do Cantábrico”.
O alcalde considera que “esta ruta será unha referencia turística de primeiro nivel. Estou confiado en que todo o traballo que levamos feito con moita discreción desde hai ano e medio entre o Concello e Costas, eu creo que se consolidará. Cando acabe esta exposición pública procederáse á súa adxudicación e agardo que nun período de tempo razoable poidan estar en construcción e ter listo esto para Ribadeo canto antes”.