O roteiro tivo lugar durante a mañá de onte, luns. De 9 a 11 para o alumnado do IES de Ribadeo Dionisio Gamallo e de 12 a 14 horas para as rapazas e os rapaces do Ceip Gregorio Sanz. Coa axuda de Lois Pérez descubriron de primeira man os lugares polos que transcorre a súa novela, a Torre dos Moreno, a rúa San Roque, a Illa Pancha, a rúa da Trinidade, a Atalaia ou Cabanela. Estas foron algunhas das paradas onde o alumnado e o profesorado puideron profundar en aspectos e anécdotas do libro.

Esta ruta enmarcouse no ciclo o Concello cos Coles, que busca ofrecer desde as diferentes áreas municipais actividades complementarias durante todo o curso aos centros de ensino ribadenses.