• O Concello
• E-administración
• Actualidade
• Turismo
• Coñecer Ribadeo
• Facendo Concello

Concello de Ribadeo

Porto deportivo

O porto deportivo de Ribadeo está situado en Porcillán, no punto de orixe da vila, e conta na actualidade con 800 socios/as e máis de 400 embarcacións. É un dos catro portos deportivos con Bandeira Azul que existen en Galiza e o único da provincia de Lugo.

Xestionado polo Club Náutico Ribadeo, cuxa fundación se remonta a 1974, o porto foi incrementando notablemente os seus servizos e instalacións a partir dos anos noventa, un crecemento que trouxo consigo unha afección cada vez maior entre os/as ribadenses pola navegación, vela, pesca deportiva...

Estes son algúns dos servizos máis importantes que ofrece na actualidade:

• 504 amarres a pantalán (20 destinados a tránsito)
• Grúas: unha de 8 Tm., unha móbil de 1 Tm. e un Travel-lift de 35 Tm.
• Servizo de duchas e vestiarios
• Recollida de lixo e limpeza xeral dos pantaláns
• Subministro de auga e electricidade ás embarcacións
• Servizo contra incendios, vixilancia e seguridade
• Servizo de información e recollida de correo
• Servizo de correo electrónico
• Vixilancia e control das embarcacións
• Servizo de lavandería
• Servizo de máquina de lavado a presión
• Servizo de berces e carro
• Servizo de información metereolóxica
• Local e aula para a sección de mergullo
• Saídas con monitor/a en embarcacións de vela
• Información turística e medioambiental

Ademais disto, o Club Náutico de Ribadeo tamén oferta unha serie de actividades ao longo do ano:

• Vela: ofrécense cursos continuos para diferentes modalidades (Optimist, Vaurien, Raquero, Bote de Vela, Windsurf, Cruceiro 747...).
• Activades para mergullarse: con cursos e saídas durante todo o ano.
• Pesca deportiva: aberta a todo o mundo (socios/as e non socios/as do Club Náutico) con concursos e actividades durante todo o ano.
• Aluguer de material náutico: aluguer de kaiaks de mar para a práctica de remo, organización de saídas con monitor/a en embarcacións de vela...
• Titulacións náuticas: cursos para a obtención de licenzas federativas para pequenas embarcacións de vela, de motor e cursos de P.E.R..
• Aulas Náuticas Medioambientais: o Club Náutico de Ribadeo puxo en marcha as Aulas Náuticas Medioambientais, un programa creado para achegar a poboación aos deportes náuticos como forma máis directa, saudable e respectuosa de coñecer o contorno natural onde se realizan: o mar e o fomento dunha cultura marítima é o seu principal obxectivo.

Consulta aquí os horarios do porto deportivo:

Horarios	Oficina	Mariñeiría
Inverno	10:00-13:00 16:00- 19:00	10:00-14:00 16:00- 19:00
Verán	10:00-14:00 16:30- 20:30	9:00-22:00

© 2008 Concello de Ribadeo