Ayuntamiento de Ribadeo

A escritora Luz Pozo Garza foi nomeada hoxe filla predilecta de Ribadeo nun solemne acto que se desenvolveu no salón de plenos do Concello. Durante o mesmo soaron o Himno do Antigo Reino de Galicia, o Himno Galego e unha habanera interpretada pola Coral Polifónica. Ademais unha alumna do IES de Ribadeo Dionisio Gamallo deu lectura a un poema.

O alcalde de Ribadeo, Fernando Suárez, ven de dirixirllo unha nova carta a Portos de Galicia sobre a praga de mosquitos ocasionada polo amoreamento de madeira no porto de Mirasol. O rexedor no escrito enviado á presidenta de Portos de Galicia, Susana Lenguas, ínstaa a que desde o seu departamento realicen as xestións necesarias para que esa madeira sexa retirada do lugar "e que este porto comercial se converta nun lugar de tránsito como se entende debe ser e non nun almacén ou depósito como asemella ser a día de hoxe".

Unha delegación formada por representantes do Concello de Ribadeo e da Asociación de Comerciantes, Industrias, Servizos e Autónomos presentarán o legado indiano ribadense a axencias de viaxes e turoperadores durante a feira internacional de turismo Fitur, que se celebrará en Madrid a vindeira semana.

O Concello de Ribadeo comezará o vindeiro luns, 20 de xaneiro, o programa interparroquial que se ven realizando desde hai seis anos nos teleclubs e nas escolas unitarias das distintas parroquias.

O vindeiro sábado, 18 de xaneiro, a escritora Luz Pozo Garza será nomeada filla predilecta de Ribadeo nun acto que se desenvolverán no Concello ás 12 do mediodía. A concelleira de Cultura, Pilar Otero, fai unha chamada á sociedade ribadense para que acuda a esta homenaxe.

A Concellaría de Igualdade organiza un obradoiro sobre violencia sexual que se celebrará este mércores, 15 de xaneiro, ás 11:00 horas no Teatro.