Ayuntamiento de Ribadeo


Compartir:

Novas

O REPARTO DE XOGUETES COMEZARÁ O 16 DE DECEMBRO

Dalle a volta ao Nadal

29/11/2019

O Concello de Ribadeo, a través da súa Delegación de Servizos Sociais, organiza un ano máis a campaña de recollida de xoguetes baixo o lema Dálle a volta ao Nadal, que se desenvolve do 25 de novembro ao 11 de decembro.

A INAUGURACIÓN SERÁ O XOVES ÁS SEIS DA TARDE

XVI Mercado do Nadal

29/11/2019

O XVI Mercado do Nadal terá lugar do 5 ao 8 de decembro no parque de San Francisco, en Ribadeo. O evento foi presentado hoxe polo concelleiro de Desenvolvemento Local, Pablo Vizoso. Como novidade haberá un recuncho Arte_San, que será unha illa gastronómica con sabores da zona, na que ademais haberá charlas e tamén degustacións. Na tradicional cita haberá produtos ecolóxicos e artesanía, actuacións musicais e obradoiros para os máis pequenos e pequenas.O edil ribadense agarda que o Mercado do Nadal traia moita xente a Ribadeo e que encha as rúas de ledicia.

PARA BARCIA ESTAS PALABRAS EVIDENCIAN FALTAN DE RIGOR

Vivendas

28/11/2019

O alcalde, Fernando Suárez, cualifica de surrealistas, esaxeradas e que raian a paranoia as declaracións realizadas polo voceiro do PP no Concello sobre as vivendas sociais que a Xunta promoveu en Ribadeo. Suárez Barcia subliña que os populares remóntanse a todas as promocións realizadas na vila nos últimos trinta anos. O rexedor tilda de delirantes e de falta de rigor esas palabras. Para o alcalde ribadense esas reaccións prodúcense despois de que o Concello concedese licenza á promoción de vivendas de aluguer que se vai realizar na avenida Rafael Fernández Cardoso.

SERÁ DE 15:30 A 17:00 CO GALEGO COMO LINGUA VEHICULAR

Arredor do outono

27/11/2019

Alumnado da escola infantil Santa María do Campo, de Ribadeo, van reunir mañá, 28 de novembro, cos usuarios e usuarias do Centro de Día A Concordia. Trátase dun encontro entre nenxs e maiores para contribuír á transmisión do galego entre as distintas xeracións e celebrar unha festa arredor do outono.

HAI AULAS QUE LEVARÁN O NOME DE DESTACADAS MULLERES

Eu quero ser coma...

27/11/2019

Alumnado dos colexios Gregorio Sanz e Sagrado Corazón participa estes días no programa "Eu quero ser com", co que a Concellaría de Igualdade pretende visibilizar ás mulleres e os seus logros ao longo da historia. O obxectivo é promover a igualdade entre as mulleres e os homes, sacando á luz referentes femininos, para que as nenas teñan aspiracións a ser o que lles guste e para que os nenos perciban que unha muller ten as mesmas capacidades que un home. Son 38 as persoeiras elixidas para achegarlle aos alumnos e alumnas dos centros de ensino ribadenses, entre as que se atopan varias ribadenses como Manuela Barreiro, Ana Ferradás e Meniñas da Saudade.

ARREDOR DE 700 PERSOAS ACUDIRON Á CHAMADA DESTE DÍA

Ribadeo en Negro

25/11/2019

Ribadeo celebrou hoxe, 25 de novembro, o Día Internacional contra a Violencia cara ás Mulleres cunha andaina que partiu ás 11 da mañá do aparcadoiro municipal, percorreu varias rúas e lugares emblemáticos da vila e rematou no Cargadoiro, onde tivo lugar a lectura do manifesto a cargo da concelleira de Igualdade, Mariluz Álvarez Lastra.





© 2008 Concello de Ribadeo