Concello de Ribadeo

A sexóloga Martina González Veiga pronunciará unha charla en Ribadeo o vindeiro xoves, 31 de maio, no Teatro. Con esta intervención concluirá o ciclo de conferencias sobre a saúde das mulleres que comezaron semanas atrás.

A Concellaría de Cultura ven de facer público o fallo do Certame de Narración e Debuxo Infantil Letras Galegas 2018, que convocou na súa fase local a Biblioteca Municipal  El Viejo Pancho.

No pleno celebrado no Concello de Ribadeo foron aprobadas por unanimidade as expropiacións forzosas que se realizarán para continuar co sendeiro peonil de As Aceas e o encontro coa antiga vía do tren mineiro, e para facer un novo depósito de auga en Chao de Ove. Tamén se aprobou a ratificación do convenio entre Concello e Deputación de Lugo para a xestión da nova residencia de maiores.

O Concello ven de sacar a licitación as obras de acondicionamento e urbanización da avenida Ría de Ribadeo. O investimento ascenderá a 512.000 euros, dos que a Deputación de Lugo aporta 380.000.

O Cine Teatro acolleu a presentación dos actos que se desenvolverán ao longo de todo este ano para conmemorar o centenario do nacemento de Carlos Álvarez Fernández-Cid. Un dos primeiros será este sábado, 26 de maio, data na que se descubrirá unha placa na casa na que naceu. A directora da Coral Polifónica de Ribadeo, Mª Carmen Rodríguez Cancelo, subliñou que "Carlos Cid é unha figura imprescindible da historia da música de Ribadeo".

O Concello súmase á campaña internacional "Quere o teu mercado" con diversas actividades, que terán lugar o vindeiro sábado, día 26, na praza de abastos.