Concello de Ribadeo

Concello de Ribadeo e Acisa asinaron hoxe o convenio de colaboración entre ambas entidades para o 2020. O Concello apoia ao pequeno comercio e á hostalería a través dunha subvención a Acisa de 24.000 euros. Firmaron o acordo Pablo Vizoso, concelleiro de Desenvolvemento Local e Comercio, e o presidente da Asociación de Comerciantes, Francisco Iriarte.

O concelleiro de Deportes, Jorge Díaz, anunciou hoxe a cancelación da VII Media Maratón Ribadeo – As Catedrais prevista para o 12 de setembro por mor do coronavirus.

Hoxe sae publicado no BOP o anuncio da convocatoria das subvencións da Concellaría de Cultura por concorrencia competitiva. As asociacións teñen trinta días naturais a partir de mañá para facer as súas solicitudes.

Seguen en descenso os contactos en seguimento en Ribadeo. Hoxe son 14 e 2 os positivos por coronavirus.

O alcalde, Fernando Suárez, anima aos propietarios de vivendas sitas nos Aris de Ribadeo e Rinlo a solicitar subvencións para a súa rehabilitación. O prazo remata o vindeiro 18 de agosto.

O alcalde, Fernando Suárez, valora de xeito positivo a libre mobilidade da que gozará desde a vindeira media noite a práctica totalidade da Mariña, agás Burela. O rexedor asegura que se viviu un ambiente triste e preocupante ao longo dos últimos días, pero subliña que é hora de continuar con ilusión porque empeza a verse a luz ao final do túnel. Hoxe seguen a ser dous os casos positivos e 18 os que están en seguimento, tres menos que onte.