Concello de Ribadeo

O alcalde, Fernando Suárez, amosa a súa preocupación porque a nova lei de saúde converterá o Hospital da Costa nun apéndice do HULA. O rexedor reuníuse esta mañá coa xunta de persoal do centro sanitario mariñán.

Mañá, martes, ás doce da noite rematará o prazo de inscrición na IV Media Maratón Ribadeo-As Catedrais, que se celebrará o vindeiro sábado, 16 de setembro, a partir das 17:30 horas. Ata o momento son 714 os inscritos, que poderán retirar os seus chips e dorsais esa xornada entre as 11:15 e as 13:15 horas pola mañá e de 15 a 17 horas no Concello.

O salón de plenos foi escenario onte á tarde da recepción ofrecida polo Concello á delegación de Loctudy que está a pasar uns días en Ribadeo, devolvendo así a visita realizada hai un ano por un grupo de ribadenses a esta localidade da Bretaña francesa coa que a nosa vila está irmandada.

O Concello acepta e acata a sentenza ditada polo xulgado do Contencioso Administrativo nº 2 de Lugo, que declara nulo o acordo municipal que prohibe a instalación de espectáculos con animais en Ribadeo.

A Concellaría de Igualdade amosa o seu apoio ás mobilizacións que terán lugar o sábado, 9 de setembro, polo caso de Juana Rivas. Como en Ribadeo se están a celebrar as festas patronais "nos pareceu inviable convocar esta acción de protesta, pero si queremos amosar a nosa solidariedade con esta causa e con todo o que está a pasar cos menores fillos de mulleres vítimas de violencia de xénero".

O alcalde, Fernando Suárez, ven de editar un bando con motivo da celebración das festas patronais no que o rexedor desexa á veciñanza e visitantes uns bos festexos. O rexedor aproveita para felicitar á comisión organizadora polo traballo realizado e lembra que se establecen uns horarios máximos para o remate das verbenas co obxectivo de poder conciliar o dereito ao goce das festas co dereito ao descanso dos que viven nos arredores.