Ayuntamiento de Ribadeo


Compartir:

Novas

ESTRÉASE NA TVG MAÑÁ A PELÍCULA "ELISA E MARCELA"

Día do Orgullo LGTBI

27/06/2020

O Concello de Ribadeo pendurou no edificio municipal esta semana a bandeira LGTBI no marco da celebración mañá, 28 de xuño, do Día do Orgullo LGTBI. A edil de Igualdade, Mariluz Álvarez Lastra, sinalou que "este ano non se organizou ningunha actividade de sensibilización por mor da situación na que nos atopamos, pero desde  o Concello  queremos  seguir traballando na aceptación da diversidade sexual e a non discriminación".

BARCIA AGARDA QUE ACABEN ESTE MES

Obras na Devesa

26/06/2020

Deron comezo as obras para mellorar a presión da auga na zona da Devesa. O alcalde, Fernando Suárez, subliñou que son uns traballos moi necesarios. O investimento ascende a uns 100.000 euros.

BARCIA PIDE TRABALLO COMO SOCIEDADE PARA NON RETROCEDER

Non hai positivos en Ribadeo

25/06/2020

O alcalde, Fernando Suárez, confirmou coas autoridades sanitarias que non hai positivos por coronavirus en Ribadeo neste momento. O rexedor dixo que a situación é moi cambiante e que non se sabe como será nos vindeiros días. Suárez Barcia fixo unha chamada á tranquilidade, á prudencia e á responsabilidade.

TAMPOUCO SE PERMITEN AS SAÍDAS DOS RESIDENTES

Sen visitas nos centros de maiores

25/06/2020

A concelleira de Servizos Sociais, Mónica Freire, anunciou esta mañá que quedaron suspendidas as visitas no Centro de Atención ás Persoas Maiores e no Hospital Asilo co obxectivo de velar pola seguridade dos usuarios e usuarias e tamén dos traballadores e traballadoras destas instalacións. A edil subliñou que non hai positivos por Covid-19, pero avoga por actuar con previsión e con cautela.

BARCIA PIDE PRECAUCIÓN AOS CONDUTORES

Amaño de camiños

23/06/2020

O alcalde, Fernando Suárez, anunciou que a Deputación Provincial de Lugo levará a cabo actuacións en varios camiños tanto da costa como do interior. O parque móbil realizará melloras neses viarios durante un mes. O rexedor agradece que o presidente da institución provincial cumpra co compromiso anunciado hai un tempo para Ribadeo.

VARIAS PERSOAS FORON PRACTICAR DEPORTE ESTA MAÑÁ

Reapertura da piscina municipal

22/06/2020

Hoxe reabriron as instalacións da piscina municipal de Ribadeo con importantes protocolos para garantir a saúde, a seguridade e o benestar das usuarias e usuarios. Un dos que o puido comprobar in situ foi o alcalde, Fernando Suárez, que accedeu ao inmoble despois de realizar a desinfección do calzado e das mans e de pasar o control de temperatura. O Concello e BeOne queren que os abonados gocen da mellor experiencia deportiva nesta nova normalidade.





© 2008 Concello de Ribadeo