Concello de Ribadeo

Os usuarios e usuarias do centro de día A Concordia realizaron hoxe unha visita ao Concello de Ribadeo. Alí foron recibidos polo alcalde, Fernando Suárez, e pola concelleira de Servizos Sociosanitarios, Sonia Meilán, que lles explicaron un poco como están sentadas e sentados os membros da Corporación Municipal ribadense, entre outras cousas.

Un total de 405 parcelas seguen a incumprir a lei de incendios de Galicia en Ribadeo, a pesares do bando editado polo Concello no mes de outubro do ano pasado e das 700 notificacións enviadas aos propietarios destes solares en febreiro de 2018. Os datos deunos a coñecer hoxe o alcalde, Fernando Suárez, que estivo acompañado polo técnico de Medio Ambiente, Jaime Pérez, e pola concelleira de Sostibilidade Ambiental, Paz Ermida. O Concello comeza a remitir no día de hoxe novos requerimentos. Segundo o rexedor "trátase da última medida de graza, antes de pasar ás execucións subsidiarias".

Ribadeo acollerá este venres, 10 de agosto, o concerto que ofrecerán A Gramola e Calabash. Será no Cine Teatro ás 20:30 horas. E o sábado inaugúrase no Forte de San Damián unha nova edición de Mariñarte na que as protagonistas serán as Conversas entre Cristina Basanta e Lucía Vila.

Máis de 25.000 persoas pasaron polas oficinas de turismo de Ribadeo e da praia das Catedrais durante o mes de xullo. Trátase dunha cifra sensiblemente inferior á do ano pasado debido ao tempo inestable que se rexistrou o mes pasado en toda a comarca da Mariña. A concelleira de Turismo, Ana Martínez, subliña que se incrementaron as viaxes en grupo, as viaxes organizadas a Ribadeo.

O alcalde, Fernando Suárez, acudiu este domingo a amosarlle o apoio de Ribadeo a un grupo de asturianos que viaxaron ata aquí no tren de Feve para reivindicar un servizo de calidade.

Acaba de crearse en Ribadeo un colectivo de afeccionados á petanca, deporte que practican no parque de San Francisco.