Ayuntamiento de Ribadeo


Compartir:

Novas

SON VARIAS AS FIRMAS QUE SE SUMAN A ESTA CAMPAÑA

Bonos para vulnerabilidade social

25/03/2020

O Concello concederá bonos para a compra de alimentos perecedoiros e produtos de hixiene básicos para as persoas ou familias que se atopen neste momento de confinamento en situación de vulnerabilidade social. Así o anunciou esta mañá o alcalde, Fernando Suárez. Eses vales serán canxeables nos supermercados da vila que están se están adherindo a esta campaña.

LASTRA AGRADECE A PARTICIPACIÓN DAS FARMACIAS NA CAMPAÑA

Mascarilla 19

25/03/2020

O Concello e as catro farmacias da vila poñen hoxe en marcha a campaña "Mascarilla 19" para prestar atención ás mulleres vítimas de violencia de xénero. Aquelas persoas que estean a ser obxecto de agresións nos seus domicilios neste tempo de confinamento, que aproveiten algunha saída para achegarse á farmacia máis próxima e pronunciar as palabras Mascarilla 19. Neste momento activarase o protocolo de violencia de xénero do Concello de Ribadeo e daráselles toda a axuda que precisen. A concelleira de Igualdade, Mariluz Álvarez Lastra, anima á cidadanía a denunciar calquera caso que detecten entre os seus veciños.

NOVO PASO NA LOITA CONTRA A PANDEMIA DO CORONAVIRUS

Máis desinfección

24/03/2020

O camión municipal de bombeiros do Concello de Ribadeo incorpórase desde hoxe ás tarefas de desinfección das rúas, que xa leva facendo desde hai días unha das máquinas barredoras. A actuación da comezo polas inmediacións das residencias de maiores e do centro de saúde, e seguirá por outros puntos da localidade, segundo deu a coñecer hoxe o alcalde, Fernando Suárez.

O MINISTERIO DE SANIDADE DICTOU UNHA ORDE A ESTE RESPETO

Covid-19: xestión de residuos

23/03/2020

O alcalde, Fernando Suárez, ven de asinar un Bando con instrucións sobre a xestión de residuos na situación da crise sanitaria ocasionada polo Covid-19.

TRABALLADORXS MUNICIPAIS E POLICÍA LOCAL COLABORARÁN

Teléfono de axuda

18/03/2020

O Concello pon en funcionamento un servizo de apoio para a xente que se poida sentir vulnerable durante este estado de alarma que vivimos, tanto na vila como nas parroquias. O alcalde, Fernando Suárez, contou que se trata da creación dun teléfono único para resolver necesidades básicas, que agora se ven comprometidas, como ir ao supermercado facer a compra ou á farmacia. O número habilitado é o 982 120 739, que estará operativo todos os días da semana entre as nove da mañá e a nove da noite.

COMEZOU POLAS RÚAS PEONÍS, PERO SEGUIRÁ POR OUTRAS

Baldeo con lixivia

17/03/2020

O Concello baldea con lixivia as rúas de Ribadeo. Así o deu a coñecer esta mañá o edil de Medio Ambiente, Jorge Díaz.





© 2008 Concello de Ribadeo