Ayuntamiento de Ribadeo


Compartir:

Novas

ARRINCA CON TEATRO ESTA FIN DE SEMANA

Axenda cultural

30/03/2017

A Concellaría de Cultura presentou este mediodía a súa programación para o segundo trimestre do ano. Entre as diversas actividades que se desenvolverán durante os meses de abril, maio e xuño, haberá teatro para adultos e nen@s, música, encontros literarios, presentacións de libros e exposicións. E ademais continúan o ProxectoR con proxeccións no Teatro os mércores e o Apego para os bebés.

O REXEDOR ANÍMAOS A COIDAR O MEDIO AMBIENTE NATURAL

Día do Árbore

30/03/2017

O alcalde, Fernando Suárez, estivo hoxe cos alumnos e alumnas de 6º de Primaria do colexio Gregorio Sanz, que prantaron amieiros e carballos na Vilavella. Deste xeito celebraron o día da árbore. O bo tempo, reinante na xornada de hoxe, permitiu que esta labor se desenvolvese do mellor xeito posible.

SERÁN NO AUDITORIO, NA ESCOLA E NO TEATRO

Audicións da EMMeD

30/03/2017

A EMMeD de Ribadeo organiza audicións para dar a coñecer o traballo que se realiza no centro. Serán desde mañá, 31 de marzo, ao 7 de abril.

CON AGASALLO NOVIDOSO

Visita ao Concello

30/03/2017

Un grupo de nenos e nenas de sexto de Educación Infantil do colexio Sagrado Corazón, de Ribadeo, visitaron esta mañá o Concello acompañados polas súas mestras. Coñeceron as dependencias municipais, situadas no antigo Pazo de Ibáñez, e puideron saúdar ao alcalde, Fernando Suárez. Os rapaces e rapazas recibiron como agasallo un cadernillo con estampas de Ribadeo para colorear.

O CONCELLO COLABORA CON ASEDUC DESDE O ANO PASADO

Educación sexual

29/03/2017

95 alumnos e alumnas de 14 a 20 anos do IES de Ribadeo Dionisio Gamallo e do CIFP Porta da Auga participan nos obradoiros de educación sexual e prevención do VIH-Sida que está a impartir a asociación Aseduc, de Oleiros, en colaboración co Concello. Esta mañá no salón de pleno déronse a coñecer as actividades que se estiveron e están a desenvolver.

O DEPORTISTA RECIBIU UNHA FIGURIÑA DO CONCELLO

Recepción a Iván Lindín

28/03/2017

Recepción esta tarde no Concello ribadense ao deportista paralímpico local Iván Lindín, que ven de conseguir dúas medallas no Campionato de España de Tiro Olímpico. No acto participaron o alcalde, Fernando Suárez; o concelleiro de Deportes, David Rivas; e o técnico municipal de Deportes, Iván López.





© 2008 Concello de Ribadeo