Ayuntamiento de Ribadeo


Compartir:

Novas

O CONCELLO QUERE DAR UN SERVIZO DE CALIDADE AOS MAIORES

Hospital asilo

17/04/2015

A concelleira de Servizos Sociais, Teresa González Piñeiroa, agradece a preocupación polos maiores de Ribadeo amosada desde o PSOE e subliña que o hospital asilo está a vivir uns días de transición con cambio de dirección e varias baixas de persoas, "por este motivo non se cubriron as prazas libres existentes na actualidade". Concello e hospital reuniranse o luns para poñerse ao día e comezar a conceder novas entradas.

NESTA OCASIÓN FORON RAPACES DO GREGORIO SANZ

Visita ao Concello

17/04/2015

Os alumnos e alumnas de 3º de primaria do CEIP Gregorio Sanz visitaron hoxe o Concello de Ribadeo, acompañados das súas mestras. Os rapaces coñeceron de preto as instalacións e fixeron unha foto co alcalde, Fernando Suárez Barcia.

PARA QUE O CONXUNTO HISTÓRICO SEXA RIQUEZA PATRIMONIAL

Peprich

16/04/2015

O Concello acolleu unha xuntanza á que asistiron os portavoces municipais, os técnicos do Concello e de Eptisa para seguir avanzando no PEPRICH. O alcalde, Fernando Suárez, explicou que o que están a estudar son as alegacións presentadas a este plan de protección do conxunto histórico de Ribadeo e os informes remitidos ao Concello pola Xunta e polo Estado relativos a este documento.

O REXEDOR PIDE DISCULPAS POLAS MOLESTIAS OCASIONADAS

Pasos de cebra

15/04/2015

A brigada municipal de obras leva días pintando os pasos de cebra, en Ribadeo. Os traballos seguirán nos vindeiros días, excepto cando chova. O alcalde, Fernando Suárez Barcia, agarda que esas tarefas no casco urbano rematen no prazo dun mes aproximadamente. 

O REXEDOR ASISTIU ONTE Á FESTA DOS COMERCIANTES

Novos desafíos e retos

13/04/2015

O alcalde, Fernando Suárez, destacou na IV Gala de Acisa o esforzo e o amor polo traballo das dúas premiadas: Saribel Suárez e Valentina Fernández. O rexedor fixo unha chamada á colaboración entre a Xunta, Acisa e o Concello diante "dos novos e apaixonantes desafíos e retos" que se aveciñan e referiuse á praia das Catedrais.

SOFREN GOLPES DOS CAMIÓNS DA RECOLLIDA E DE PARTICULARES

Suxeitacontedores

13/04/2015

O Concello arranxará nos vindeiros días os suxeitacontedores, segundo informaba esta mañá o edil Horacio Cupeiro.





© 2008 Concello de Ribadeo