Ayuntamiento de Ribadeo


Imprimir Enviar

Novas

O CONCELLO INSISTE NA NECESIDADE DA RECICLAXE DO LIXO

Aceite usado

25/07/2014

O concelleiro de Medio Ambiente, Horacio Cupeiro, pide á cidadanía que deposite o aceite usado nos contedores habilitados para ese fin e non nos da recollida do lixo. Hai uns días rexistrouse un incidente fronte á Casa do Viejo Pancho, que ocasionou a caída dunha persoa.

O BALANCE DESTES DOUAS ANOS É POSITIVO PARA AMBAS PARTES

Convenio coa Fundación Alimerka

23/07/2014

A Fundación Alimerka atendeu nos últimos dous anos a unhas 400 persoas en situación de pobreza na Mariña. A súa labor circunscríbese aos concellos nos que conta con establecementos comerciais, coma son Foz e Ribadeo. Neste último municipio fixo posible que unha media de 40 familias accedesen nos dous últimos anos ás súas cesións de excedentes en produtos procedentes das seccións de panadería, repostaría e froitería. Estes datos foron dados a coñecer hoxe en Ribadeo pola concelleira de Servizos Sociais, Teresa González Piñeiroa, e por Antonio Blanco, director da Fundación Alimerka.

MIL RAPACES DA MARIÑA E DO OCCIDENTE ESTUDAN NELA

Oferta da USC para o vindeiro curso

23/07/2014

A USC presentou en Ribadeo a súa oferta educativa para o curso 2014/2015. Desde o Concello a alcaldesa en funcións, Mariluz Álvarez Lastra, valorou de xeito positivo os esforzo da Deputación de Lugo "para facilitar o acceso á universidade en momento difíciles".

O GRUPO DE TEATRO PASARÁ ANTES POLAS CATEDRAIS

Visitas teatralizadas

23/07/2014

Esta tarde a partir das 20:30 horas haberá unha visita teatralizada polo legado indiano de Ribadeo. Esta actividade repetirase todos os mércores ata finais de agosto. Mariluz Álvarez Lastra anima a veciñ@s e visitantes a disfrutar desta actividade.

AS CATEDRAIS, "UNHA PRAIA ATÍPICA", DIN OS EXPLORADORES

Marabilla natural de España

22/07/2014

Allianz Global Assistance entregou hoxe na Casa do Concello de Ribadeo a placa que recoñece á praia das Catedrais coma unha das sete marabillas naturais de España. A partir de agora o areal pasa a formar parte dunha ruta medioambiental que será plasmada nun libro que verá a luz proximamente. Dende o Concello ribadense, a alcaldesa en funcións, Mari Luz Álvarez Lastra, agradeceu a Allianz a iniciativa "porque sirve para potenciar o valor turístico de Ribadeo".

HAI EXCEDENTES DE LIBROS DOS DOUS COLEXIOS

Banco de libros de texto

22/07/2014

O Concello atendeu todas as solicitudes das familias que se acolleron ao programa do banco de libros de textos, que un ano máis puxo en marcha a Área de Servizos Sociais. Teresa González Piñeiroa agradece a colaboración e a implicación das familias doadoras.  





© 2008 Concello de Ribadeo