Ayuntamiento de Ribadeo


Compartir:

Novas

O PROGRAMA PRESENTOU ESTA TARDE EN RIBADEO

Apego

09/02/2017

O Concello ribadense forma parte do programa Apego, que busca fomentar e favorecer a transmisión do galego de adult@s a pequen@s. Está dirixido a todas as familias que vaian ter un bebé ou que xa teñan na casa un neno ou nena de 0 a 6 anos e que estean interesadas en transmitirlle o galego. Unha das primeiras propostas de Apego terá lugar este domingo, 12 de febreiro. Teatro da Semente representará Chíos, un espectáculo sensorial de 30 minutos de duración. Será ás 17:30 horas no Teatro.

O INVESTIMENTO, DE FONDOS PROPIOS, SERÁ DE 65.000 EUROS

Nova varredora

03/02/2017

O Concello adquirirá unha nova máquina varredora-aspiradora autopropulsada que se destinará ao servizo de Limpeza. O BOP publica hoxe a convocatoria do procedemento aberto, oferta economicamente máis vantaxosa para a adxudicación do contrato de subministro desa máquina. As empresas interesadas en presentar as súas ofertas dispoñen de 20 días naturais desde a data desta publicación no BOP de Lugo.

ABERTO O PERÍODO DE PAGAMENTO VOLUNTARIO

Taxa das terrazas

02/02/2017

O Concello de Ribadeo informa a través dun Bando da Alcaldía que ata o 23 de marzo está aberto o período voluntario de pagamento da taxa sobre utilización privativa ou aproveitamento especial do dominio público local con elementos con finalidade lucrativa (Terrazas-Bar) para o exercicio de 2017.

SERÁ ÁS OITO DA TARDE

Cláusulas chan

02/02/2017

A Casa do Mar acollerá o vindeiro luns, 6 de febreiro, unha charla informativa sobre as cláusulas chan. Está organizada pola Concellaría de Consumo e será impartida por Miguel López Crespo, secretario xeral da Unión de Consumidores de Galicia.

ORGANIZA O CONCELLO EN COLABORACIÓN CON APAGA

Agricultura ecolóxica

01/02/2017

Este venres, 3 de febreiro, ás 19:30 horas na Casa das Letras terá lugar unha charla-coloquio sobre "A Agricultura Ecolóxica: Cultivo, Produción e Consumo. Novos retos do rural. Unha experiencia práctica de Jean Pacheco desde Francia".

HAI UN TELÉFONO GRATUÍTO PARA COMUNICAR AS INCIDENCIAS

Recepción da TDT

31/01/2017

A chegada a Ribadeo da rede 4G a través da banda 800MHz está a ocasionar problemas na recepción da sinal dalgunhas canles de televisión da TDT, como por exemplo a Televisión de Galicia, segundo lle fixeron chegar varios veciños e veciñas ao alcalde, Fernando Suárez.





© 2008 Concello de Ribadeo