Concello de Ribadeo


Compartir:

Novas

O ACTO CONTARÁ CON ACOMPAÑAMENTO MUSICAL

40 aniversario das Corporacións democráticas

01/05/2019

O salón de plenos acollerá o acto de homenaxe que o Concello lles renderá aos máis de 100 concelleiros e concelleiras que formaron parte das Corporacións Municipais de Ribadeo desde 1979.

É NECESARIO ANOTARSE ANTES DO 10 DE MAIO ÁS 13:00 HORAS

Obradoiro na Aula CeMIT

30/04/2019

A Aula CeMIT do Concello de Ribadeo organiza un obradoiro gratuíto sobre o manexo de tabletas. Será do 13 ao 15 de maio.

BARCIA DI QUE A ASISTENCIA EMPEORA DE XEITO DRÁSTICO

Petición á Consellería de Sanidade

30/04/2019

O alcalde, Fernando Suárez, envioulle un escrito urxente á Consellería de Sanidade para que proceda a modificar os termos da licitación do contrato do servizo de transporte sanitario urxente terrestre en Galicia, e máis en concreto do equipo humano esixido para a ambulancia con servizo vital avanzado medicalizado radicada en Foz. O rexedor critica que a ambulancia de Ribadeo teña que cubrir en ocasións a quenda de noite dese servizo e que o concello ribadense quede sen el.

AS PERSOAS INTERESADAS PODEN ANOTARSE DO 2 AO 12 DE MAIO

Universidade para maiores de 50 anos

30/04/2019

O Concello acolleu este mediodía a presentación do programa Camiños de coñecemento e experiencia que leva a cabo o Vicerreitorado de Títulacións da Universidade de Santiago de Compostela, e que pretende achegar o traballo das distintas áreas de investigación ás vilas que así o demandan. Trátase dun programa de formación universitaria para persoas maiores de 50 anos. En Ribadeo haberá tres seminarios durante o mes de maio, o primeiro será a partir do día 13, e para participar é preciso inscribirse xa que cada un dispón de 15 prazas.

O OBXECTIVO É POÑER EN VALOR O CAMIÑO NORTE EN RIBADEO

Visita á Nosa Señora das Virtudes

29/04/2019

Ao longo deste 29 de abril o obradoiro Ribadeo co Camiño organizou unha saída cos alumnos e alumnas do CPR Sagrado Corazón, de Ribadeo, ata a capela da Nosa Señora das Virtudes na Ponte de Arante. Ao rematar, os preto de 80 alumnos e alumnas acompañados das súas profesoras, recibiron a visita do alcalde de Ribadeo, Fernando Suárez, quen subliñou a importancia de coñecer o patrimonio material e inmaterial existente no concello ao seu paso polo camiño de Santiago.

A BRIGADA DE OBRAS PROCEDERÁ AO SEU TAPADO ESTES DÍAS

Pintadas

29/04/2019

O alcalde, Fernando Suárez, puxo en coñecemento do xulgado e da xunta electoral de zona o informe elaborado pola Policía Local sobre as pintadas de VOX, que apareceron hai uns días en diversos lugares do concello, como o campo de fútbol Pepe Barrera, o campo de fútbol de Ove, o observatorio de aves de Reme ou nunha marquesiña na Devesa.





© 2008 Concello de Ribadeo