Concello de Ribadeo


Compartir:

Novas

Foto reparto material

AS ACTIVIDADES SEGUEN DURANTE TODA A SEMANA

Reparto de material do 25N

21/11/2022

O Concello reparte entre Acisa e os demais comercios locais material da campaña de sensibilización contra a violencia machista.

Continuando coas actividades previstas pola Concellería de Igualdade con motivo da celebración o próximo día 25 de novembro do Día Internacional da eliminación da violencia contra as mulleres, foron repartidos adhesivos para que poidan poñer nos seus escaparates ou portas dos establecementos de Acisa co lema da campaña Ribadeo contra a violencia machista: antes, agora e sempre

Ao longo da semana e co obxectivo de sensibilizar sobre a violencia machista continuarase coa repartición de material polo resto dos comercios de Ribadeo.

Como xa anunciou a edil ribadense Mónica Freire Rancaño na presentación da campaña "trátase de que a loita contra a violencia machista non se circunscriba a un só día, o 25N. Este material de para visibilizar esta campaña lembrará de forma continuada o propósito".

No acto de entrega do material a Acisa participaron Mónica Freire, a directora do CIM, Montse González, a educadora familia, Fianma Prada, e a presidenta e o xerente do colectivo empresarial ribadense, Carmen Cruzado e Jesús Pérez.

+ Novas




© 2008 Concello de Ribadeo