Ayuntamiento de Ribadeo


Compartir:

Novas

A ENTREGA DE PREMIOS SERÁ O 20 DE XUÑO EN LUGO

Gañadores na fase provincial

13/06/2018

Seis nenos e nenas ribadenses resultaron premiados na fase provincial do Certame de Narración e Debuxo Infantil Letras Galegas 2018, segundo informa a Biblioteca Municipal El Viejo Pancho.

Os premiados e premiadas foron, na categoría de Debuxo (ata 8 anos): Nahir Prelo Álvarez, de 8 anos e do colexio Sagrado Corazón, quen acadou o terceiro premio. Ademais Luca García García, de 5 anos e do CEIP Gregorio Sanz, logrou un accésit. Por outra banda na categoría de Debuxo (12 a 16 anos): Irene Suárez Sixto, de 15 anos e alumna do IES Dionisio Gamallo, gañou o primeiro premio; e o segundo premio foi para Claudia García López, de 12 anos e alumna do colexio Sagrado Corazón.

Na categoría de Narración (12 a 16 anos), acadaron accésits Marta Ortiz González de 14 anos e alumna do IES Dionisio Gamallo, e Sara Fernández Cano, de 15 anos e alumna do colexio Sagrado Corazón.

A Biblioteca Municipal El Viejo Pancho e a Concellaría de Cultura felicitan aos premiad@s, e comunican que o 20 de xuño ás 18:30 horas farase a entrega de diplomas do Certame de Narración e Debuxo Letras Galegas 2018 na Biblioteca Pública de Lugo, situada na avenida de Ramón Ferreiro.

+ Noticias




© 2008 Concello de Ribadeo