Concello de Ribadeo


Compartir:

Novas

Foto Limpeza Sagrado Corazon

ESE É OBXECTIVO PERSEGUIDO POLO CONCELLO COA ACTIVIDADE

Respecto polo planeta

19/06/2017

Un grupo de rapaces e rapazas do colexio Sagrado Corazón limparon esta mañá a desembocadura do río San Xulián, en Rinlo. Trátase dunha iniciativa da Consellería de Sostibilidade Ambiental, que se repetirá este mércores, día 21, nas Catedrais con alumnado do colexio Gregorio Sanz.

Paz Ermida subliñaba hai uns días: "parécenos fundamental levar a cabo este tipo de xornadas precisamente cos máis pequenos, que son os que se empapan e os que logo saben transmitir nas súas casas e coas súas amizades a importancia que ten e o respecto que merece o noso planeta".

Cos rapaces e rapazas do Sagrado Corazón estivo Óscar García, de Coge3, "que é un coñecido voluntario de aquí de Ribadeo que decidiu de maneira totalmente voluntaria e gratuíta participar con nosoutros, estar acompañando aos cativos e ás cativas nesta actividade", engadiu a concelleira ribadense

Hoxe, 19 de xuño, 40 rapaces e rapazas do colexio Sagrado Corazón participaron nestas tarefas de limpeza na desembocadura do río San Xulián, en Rinlo, desde onde despois foron camiñando ata a praia de Xuncos.

O vindeiro mércores, día 21, o alumnado do Gregorio Sanz partirá do colexio ás 10 da mañá para ir ata a praia das Catedrais, "onde se desenvolverá a primeira parte da actividade, e despois ao cabo de hora e media retornarán ao centro, onde asistirán a unha charla temática ambiental. Arredor de 100 rapaces/as participarán na limpeza do emblemático areal", explican desde a Concellaría de Sostibilidade Ambiental e Medio Mariño. 

+ Novas




© 2008 Concello de Ribadeo